သူငယ်ချင်းတို့ရေ--
[ ဆက်ဖတ်ရန် +/- ]
အထီးအမခွဲခြားနည်း
“မေမေ၊ ကျွန်တော် ယင်ငါးကောင်ကို သတ်လိုက်တယ်၊ နှစ်ကောင်က အထီး၊ သုံးကောင်က အမ” ဟု ငါးနှစ်သား လူငယ်လေးက သူ့မိခင်ကိုပြောလိုက်သည်။
“ဟုတ်လား၊ ဒါနဲ့သားက ယင်ကောင် အထီးနဲ့ အမ ဘယ်လိုခွဲသလဲကွဲ့။”
“အော်…ဒါလား နှစ်ကောင်က ဘီယာပုလင်းပေါ်မှာ၊ သုံးကောင်က ကြည့်မှန်ပေါ်မှာ နားနေကြတာလေ”
-------------------------------------------------------------------------------------
ဟာသ
ဖခင်။ ။ သားရေ.. အဖေ မင်းကို မိန်းမပေးစားမလို့ စီစဉ်နေတယ်ကွ။
သား။ ။ ကျုပ်က ကိုယ့်ကြိုက်တဲ့လူပဲ ကိုယ်ယူမှာ ဗျ။
ဖခင်။ ။ နေအုံး သား... ကောင်မလေး က ဘီလ်ဂိတ် သမီးကွ။
သား။ ။ အော် ဒီလိုလား... အဖေ့ စကားနားထောင်လိုက်ပါမယ်။
ထို့နောက် ဖခင် သည် ဘီလ်ဂိတ် ထံသို့သွား ပြီး....
ဖခင်။ ။ ခင်ဗျား သမီးအတွက် အင်မတန်သင့်တော်တဲ့ ကောင်လေးတစ်ယောက်တွေ့ထားတယ်။
ဘီလ်ဂိတ်။ ။ ကျွန်တော့် သမီးလေး က ငယ်ပါသေးတယ်ဗျာ။
ဖခင်။ ။ နေအုံး... ဟိုကောင်လေး က ကမ္ဘာ့ဘဏ် လက်ထောက် ဥက္ကဌ ဗျ။
ဘီလ်ဂိတ်။ ။ အာ.. ဒီလိုဆိုတော့လဲ လက်ခံရမှာ ပေါ့ဗျာ။
နောက်ဆုံးတွင် ဖခင်သည် ကမ္ဘာ့ဘဏ် ဥက္ကဌ ထံသို့သွားသည်။
ဖခင်။ ။ ဥက္ကဌ ကြီးခင်ဗျား... လစ်လပ်နေတဲ့ လက်ထောက်ဥက္ကဌ ရာထူးအတွက် အထူးသင့်တော်တဲ့ သူငယ်လေးတစ်ယောက် တွေ့ထားပါတယ်။
ဥက္ကဌ။ ။ကျွန်တော်မှာ လိုအပ်တာထက် အဲဒီရာထူးအတွက် လိုအပ်တာထက်တောင် ပိုများနေပါတယ်။
ဖခင်။ ။ နေအုံး.. ဒီသူငယ်လေးက ဘီလ်ဂိတ်ရဲ့ သားမက်ကလေးဗျ။
ဥက္ကဌ။ ။ ဒီလိုလား... ရပါတယ်။
-------------------------------------------------------------------------------------
မှားနေတဲ့ကလေးအတွေး
ဂျွန်သည် အဘိုးအဘွားရှိရာ ကျေးလက်ဒေသဖက်သို့
အလည်အပတ်ရောက်လာသည်။ သူရောက်ရှိသည့် ညမှပင်
တောရပ်ဒေသ၏ သာယာသည့်အလှကိုကြည့်ရှု့ရန်
အဘိုး အဘွားက လေသာဆောင်တွင်သူနှင့်အတူထိုင်နေ
ခဲ့သည်။ ထိုစဉ် ပိုးစုန်းကြူးများပျံသန်းလာသည်ကိုတွေ့ပြီး
တအံ့တသြဖြစ်သွားသည်။ လေသာဆောင်ကနေ ကုလားထိုင်မှ
ခုန်ဆင်း ၍အိမ်ထဲပြေးဝင်သွားသည်။
အဘိုးဖြစ်သူကမြေးဖြစ်သူနောက်သို့အပြေးအလွှား
လိုက်သွားသောအခါ အိပ်ခန်းထဲမှခြင်ထောင်ထဲပင်ဝင်နေပြီ
ဖြစ်သောဂျွန်ကိုတွေ့ရသည်။
" ဟဲ့..သားလေး ဘာဖြစ်လို့ထွက်ပြေးတာလဲ "
" ခြင်တွေလေအဘိုးရဲ့...ခြင်တွေဓါတ်မီးတွေတ၀င်းဝင်း
ထိုးလာပြီးလာနေတာ သူတို့လက်ကလွတ်ဖို့မလွယ်ဘူး "
-------------------------------------------------------------------------------------
မေ့တတ်သူရယ်
လွန်ခဲ့သောည (၈)နာရီတွင်လူတစ်ယောက်သည်
ရဲစခန်းသို့ရောက်ရှိလာပြီး လူပျောက်တိုင်ကြားလေသည်။
မစ္စတာရော ဟုအမည်တွင်သောထိုသူသည် ထိုနေ့ညဦးပိုင်း
ကပင်အိပ်ရာဝင်ခဲ့ပြီး ည ၇ ခွဲတွင်အိပ်ရာမှနိုးသောအခါ
သူ၏ဇနီးမရှိသည်ကိုတွေ့ရသည်။ သူသည် အိမ်အနှံလိုက်လံ
ရှာဖွေသော်လည်း သူဇနီးအားမတွေ့သောကြောင့် သူဇနီး၏
မိဘအိမ်သို့ဖုန်းဆက်သည်ဟုဆိုသည်။သို့သော်ဟိုဘက်မှ
ဖုန်းမထူးသောကြောင့် သူသည်ရဲစခန်းသို့လာရောက်တိုင်
ကြားခြင်းဖြစ်သည်။မစ္စတာရောသည် သူဇနီးသည်အကြောင်းအသေးစိတ်
အချက်အလက်များကိုပြောကြား၍တိုင်ချက်ဖွင့်ပြီအပြန်တွင်
လူနာတင်ကားတစ်စီးဥသြသံဆူညံစွာဖြင့်မောင်းနှင်သွား
သည်။ထိုသူသည် သတိရပြီး ရဲစခန်းတွင်းသို့ ကမန်းကတန်း
ပြေးဝင်၍အမှုစာရေးကြီးအား ပြေလိုက်သည်။
" အခုမှ ကျုပ်သတိရလာတယ်..ကျုပ်မိန်းမပျောက်နေတာ
မဟုတ်ဘူးဗျ မနေ့နေ့ခင်းကပဲ ဗိုက်အောင့်လို့ဆိုပြီးဆေးရုံတင်ထားရတယ်...."
ဆင်ခြေလှလှ
"လက်မြှောက် ရှိတဲ့ငွေအကုန်ထုတ်ပေး မဟုတ်ရင်ခင်ဗျားကွယ်လွန်ပြီမှတ်"
ဓါးပြကသေနတ်ဖြင့်ချိန်ရွယ်၍ပြောလိုက်သည်။
"ဘယ်နှယ့်ကွယ်လွန်ပြီမှတ်လဲလို့ လက်မြှောက်ရှိတာထုတ်ပေး
မဟုတ်ရင်သေပြီမှတ်လို့ပြောမှပေါ"့
ဓါးပြကထိုသူကို ဘုကြည့်ကြည့်၍ ပြန်သွန်သင်ပြလိုက်သည်။
"သေမယ်လို့ပြောရင်ရိုင်းလို့ ကျုပ်ကကွယ်လွန်မယ်လို့ပြောတာ
ကိုခင်ဗျားက ရိုင်းအောင်လာသင်မပေးနဲ့
-------------------------------------------------------------------------------------
ဟာသ
နေရာ ... စိတ္တဇဆေးရုံ>
ဆေးရုံအုပ်.... "မနက်ဖြန်က အရေးကြီးတဲ့နေ့ တစ်နေ့နော်။ ဘာလို့လဲ သိလား?
နိုင်ငံတော် အကြီးအကဲ လာစစ်ဆေးလိမ့်မယ်။ လာစစ်ဆေးပြီး ငါက "အဟမ်း" လို့ ချောင်းဟန့်လိုက်ရင် မင်းတို့အားလုံး လက်ခုပ်တီးရမယ် ကြားလား..
လက်ခုပ်တီးတဲ့လူကို အသားဟင်းကျွေးမယ်"
နောက်တစ်နေ့ ....
နိုင်ငံတော် အကြီးအကဲ လာရောက်စစ်ဆေးခဲ့သည်။ မိန့်ခွန်းပြောအပြီးတွင်
ဆေးရုံအုပ်က ကြိုတင်မှာကြားထားသည့်အတိုင်း ချောင်းဟန့်လိုက်သည်နှင့်
လူနာအားလုံး လက်ခုပ်တီးကြသည်။ ထိုအချိန်တွင် လူနာတစ်ယောက်က
ရုတ်တရက်ရှေ့ထွက်ပြီး အကြီးအကဲကို ပါးတစ်ချက်ရိုက်လိုက်ပြီး
ပြောလိုက်သည်မှာက "မင်းဘာလို့ လက်ခုပ်မတီးတာလဲ? အသားဟင်း
မစားချင်ဘူးလားကွ" ဟူတည်း။
-------------------------------------------------------------------------------------
ဟာသ(၂)
လူတစ်ယောက်ဟာ နိုင်ငံတော်အကြီးအကဲကို "အသုံးမကျတဲ့လူ" လို့ ပြောလို့
အဖမ်းခံရသတဲ့။ ရုံးတင်စစ်ဆေးပြီးနောက် တရားသူကြီးက သူ့ကို ထောင်ဒဏ်
၁၀နှစ်နဲ့ ၆ရက် အမိန့်ချလိုက်တယ်။ ဘာဖြစ်လို့ ဒီလောက်ကြီးလေးတဲ့
အပြစ်ကိုပေးရသလဲလို့ မေးတော့ တရားသူကြီးက " ပြစ်ဒဏ် ၆ရက်က
နိုင်ငံတော်အကြီးအကဲကို စော်ကားတဲ့အတွက် ပြစ်ဒဏ် ၁၀နှစ်က
နိုင်ငံတော်ရဲ့လျှို့ဝှက်ချက်ကိုဖော်ကောင်လုပ်တဲ့အတွက်" လို့
ပြောလိုက်သတဲ့။
-------------------------------------------------------------------------------------
ဟာသ(၃)
တစ်ခါက နိုင်ငံတော် အကြီးအကဲ ခေါင်းဆောင်သုံးဦးဟာ ရဟတ်ယာဉ်စီးပြီး
နိုင်ငံအခြေအနေကို လှည့်လည်ခဲ့တယ်။ ပထမ အကြီးအကဲ " တကယ်လို့ အခုချိန်မှာ ငါသာ ငွေတစ်ထောင်တန်တစ်ရွက်
ပစ်ချလိုက်ရင် ကောက်ရတဲ့လူက အရမ်းပျော်မှာပဲ"
ဒုတိယ အကြီးအကဲ " တကယ်လို့ ငါသာ ၅၀၀တန်နှစ်ရွက် ပစ်ချလိုက်ရင်
လူနှစ်ယောက်ပျော်ရမယ်" တတိယ အကြီးအကဲ "တကယ်လို့ ငါသာ ၁၀တန်ဆယ်ရွက် ပစ်ချလိုက်ရင် လူဆယ်ယောက် ပျော်ရမယ်"
သူတို့အချင်းချင်း ပြောနေတဲ့ စကားကိုကြားတော့ လေယာဉ်မှုးက အခုလို
ပြောလိုက်သတဲ့...
"အကြီးအကဲတို့ သုံးဦးလုံးသာ ခုန်ချလိုက်ရင် နိုင်ငံမှာရှိတဲ့
လူတွေအားလုံး ပျော်ကြမှာပဲ" ဟူတည်း။
-------------------------------------------------------------------------------------
ဟာသ(၄)
တခါက အမေရိကန်သမ္မတရယ် ၊ တရုတ်သမ္မတရယ် ၊ ကျွန်တော်တို့ရဲ့ ဘဘကြီးရယ် ထာဝရဘုရား သခင်ကို သွားတွေ့ကြသတဲ့။
ထာဝရဘုရားသခင်က သင်တို့သိလိုရာကို မေးကြပါဆိုတော့ တယောက်ပြီးတယောက် မေးကြတော့တာပေါ့။
ပထမဆုံး အမေရိကန်သမ္မတက မေးတယ်။
`ဘယ်တော့များမှ အမေရိကန်နိုင်ငံဟာ ကမ္ဘာကြီးတစ်ခုလုံးကို နိုင်ငံရေး ၊
စစ်ရေးအရ ပြိုင်ဘက်မရှိ လွှမ်းမိုး နိုင်မှာလဲ´တဲ့။ ထာဝရဘုရားသခင်က
ခေတ္တခန့်စဉ်းစားပြီး ပြန်ဖြေလိုက်တယ်။
`ဖြစ်တော့ဖြစ်မယ်။ ဒါပေမယ့် မင်းမမှီတော့ဘူး´တဲ့ ။ အမေရိကန်သမ္မတလည်း
ထာဝရဘုရားသခင် အဖြေ ကိုကြားပြီးနောက် ငိုပါလေရော။
တရုပ်သမ္မတကလဲ ထာဝရဘုရားသခင်ကို `ဘယ်တော့များမှ တရုပ်ပြည်ဟာ
ကမ္ဘာ့စီးပွားရေးတစ်ခုလုံးကို လွှမ်းမိုးနိုင်မှာလဲ´တဲ့။
ထာဝရဘုရားသခင်က ခုနလိုပဲ ခနစဉ်းစားပြီး ပြန်ဖြေလိုက်တယ်။
`ဖြစ်တော့ဖြစ်မယ်။ ဒါပေမယ့် မင်းမမှီ တော့ဘူး´တဲ့ ။ တရုပ်သမ္မတလဲ
ငိုပြန်ပါလေရော။ နောက်ဆုံး ကျူပ်တို့ရဲ့ ဘဘကြီးက အားကျမခံ ထာဝရဘုရားသခင်ကို မေးလိုက်တယ်။
သူ့မေးခွန်း လဲကြားပြီးရော ထာဝရဘုရားသခင်က ငိုပါလေရော။ သူမေးတာက
`ဘယ်တော့များမှ ကျွန်တော်တို့နိုင်ငံမှာ မီးတွေ ရေတွေ မှန်မှာလဲ´တဲ့။
မျက်ရည်လည်ရွှဲကြားက ထာဝရဘုရားသခင်က ပြန်ဖြေလိုက်တယ်။
`ဖြစ်တော့ဖြစ်လာလိမ့်မယ်။ ဒါပေမယ့် ငါမမှီတော့ဘူးတဲ့´ .... ။
-------------------------------------------------------------------------------------
ဝန်ခံချက် ။ အထက်ပါဟာသလေးများသည်ကျွန်တော်ကြိုက်မိရcopyလုပ်ထားခြင်းဖြစ်ပါသည်။ ကိုယ်ပိုင်မဟုတ်ပါ ။ မူရင်း site တွေကိုမမှတ်သောကြောင့် ဖော်ပြခြ်းမရှိသည်ကို ခွင့်လွတ်ပါ ။
-------------------------------------------------------------------------------------
0 Comments:
Post a Comment